Aye mouj-e-hawa,Ab tu hi bata, Wo pyar hamara kaisa hai

Aye mouj-e-hawa,Ab tu hi bata,
Wo pyar hamara kaisa hai?

Jo bhool gaya hum ko kab se,
Wo jaan se pyara kaisa hai ?

Kia us k jeewan lamho me,
Koi lamha mera baqi hai ?

Kya uski jaagti aankhon main,
Meri yaad se phaili udasi hai?

Kia wo bhi meri tarah yun hi,
Shab bhar jaga kerta hai?

Kia wo bhi saya-e-rehmat main,
Hme RUB se manga karta hai?

Agar aisa nahi to tu hi bata,
Hum yaad use q kertay hain?

Wo humsey bichhad kr khush hai ager,
To hum pal pal q marte hain ?

Bus Ik Meri Baat Nhi Thi

Bus Ik Meri Baat Nhi Thi
Sub Ka Dard December Tha

Baraf Ke Shehr Me Rehne Wala
Ik Ik Fard December Tha

Pichhley Saal Ke Aakhir Me Bhi
Herat Me Hum Teeno They

Ik Mai Tha, Ik Tanhaai Thi
Ik Be dard December Tha_____!!

Tuj say judai ka dukh

Tuj say judai ka dukh
Tere hijer ka karb
Dekh ! phir say aa gai hain
December key sard ratain
Azaab ratein_______!!
Tere karb main dobi
Khowbanak ratain
Teri wo pur noor ratain_____!!

Tujhey kiya khuber
December key sard ratoon main
Tere sung beeti sardion key____
Khosgawar khobsurut shamoon ko yaad kertha hoon
Is mohoom si tamana kay sahray
Teri talash main__________!!

Sarkoon per awara phirth hoon
Aatay jatay chehroon main tujhey kohja kerta hoon
Shayad kaywo tum ho_______!!

Aur thuk haar ker jo laut'ta hoon
To khud per khoub hastha hoon
Phir_____!!
Phoot phoot ker roota hoon_______!!

December k haseen din thay

December k haseen din thay
Murree ki yakh fizaon mein

Humhare chaar haathon nay
Mujasma ek banaya tha

Kaha tha ek dooje ko
Nishani pyar ki apni

Bari he khoobsoorat hai
Mujhe ab yaad aata hai

Mujasma barf ka tha wo
Usse aakhir pighalna tha

Usse to mitt he jana tha_______!!
______________

Lambay safar ki oat mein pal bar nahin ruka

Lambay safar ki oat mein pal bar nahin ruka
Mein waqt k fareeb mein aa kar nahin ruka_________!!

Phir aa gaya aik naya sal dosto_______
Is bar bi kisi say December nahin ruka_____________!!

Lay kar kisi nay haath mein kashkol-e-waqt
Aisa safar kia k kahin per nahin ruka______________!!

Manzar kay aks mein koi chera chatakh gaya
Sheshay kay pas aa kay jo pathar nahin ruka________!!

Chalta raha adoo ki safain rondta howa_____
Lakhon ka khoun-e-jigar kar k b lashkar nahin ruka___!!

Bas yeh howa k Akhri lamha bi aa gaya
Dil ka tawaf koocha-e-dilbar nahin ruka____________!!

Usey Kehna December Aa Gyaa Hai

Usey Kehna December Aa Gyaa Hai
December K Guzarty Hee____
Bars Aik Aur Mazi Ki Chaao'n Main Doob Jaye Ga____

Usay Kehna December Laot Aye Ga
Magar Jo Khoon So Jaye Ga Jismo'n Mein
Na jagey Ga_____!!

Usey Kehna Hawaie'n Sard Hein, Aur Zindagi K Kuhrey
Dewaro'n Mein Larzaa'n Hein_____

Usay Kehna Shagofey Tehnio'n Mein So Rahy Hein
Aur Un Pay Barrf  Ki Chaadr Bichi Hi____

Usay Kehna Agar SoOoraj Na Nikley Ga
To Kaisy Barrf Piglay Gi
Usay Kehna Laot Aye____!!

Usey Kehna Laot Aye_____
Usey Kehna December Aa Gaya Hai____!!

December Ki Baarish May

December Ki Baarish May
Bheegtay Peroo'n Say Pocho
Akela Pan Kya Hai____????

Tanhai Kisay Kehtay Hain___?
Seh-Peher Ki Dhoop Ko Tarashna
Aur Barish May Bheegtay Rehna
Jangal Ki Raaho'n May Akelay Chalna
Aur Barish May Bhegtay Rehna___

December Ki Barish May____

Leher-dar-Leher Mehekti Hawa Say Pochoo
Khushbo Sa Khayal Rakhne Wale
Tanha Kaise Rehte Hain_______??
Bhegti Hain Sard Raatein____!!

December Ki Barish Say Kaho_____!!

Kabhi Jungle K Us Paar Mile
Dhaltay Hon Sham K Saaye main
To Unn Aankhon Say Milay_______!!

December Ke Barish Say Kaho_______!!

December Ab bhi Tera muntazir Hay !!

December _____
Ab bhi Tera muntazir Hay __!!

Woh Lamhay______
Soch Ki Dahleez Pay Tehray Hoy Hain_____! !

December K Mahenay Main
Hazaroon Saal Pahlay Jab_______

Teray Waday K Hathoon Ney_______
Meri Ankhoon Say Behtee Zindagi K Haath Choomay Thay____!

Meri Bayrang Batoon K Kinaray
Tum Nay Kwabon K_____
Sahary Aur Ashkon K Sitaray Rakh Diye Thay___!!

Aur ___________

Hawa Ko apni Chahat Ki
Hifazat Kaa Ishara Kar Diya Thaa_________!!

Hawa Ki Khunkiyon Main Ab Bhi Teri Naram Batain
Aahatoon Kaa Jaal Buntee Hian_________!!

Sama'at_________Ab Bhee Teray
Qahqahon Kaa Shoor Sunti Hay________!!

Khayal Ab Tak Tumhari Ungliyon Say
Meray Dil K Surkh Ansoo Pochta Hay_______!!

Nigahain Baraf K Phelay
Chamaktay Kenwas Par Jaa-Bajaa
Teri Rifaqat Ki Zarorat Paint Karti Hay_______!!

Tehtartay Paniyon K Tan Pay Bikhri Dhoop
Tera Bagair rooti Hay
Kahan Hota Hay Too__________!!
Muhabat Ki Sulagtei Raahguzar K Kinaray Pay____!!

December __________
Ab Bhe Tera Muntazir Hay_________!!

Kia hi urhtay hain teray hijr ke shararay mujh mein

Kia hi urhtay hain teray hijr ke shararay mujh mein
Taiz hawaoo’n mein jhoolay shakh-e-shajar jaisay___!

Baat uthay jo meray fusoo’n ki namakdani ki
Aankh roti hai phir samandaro’n k pani ki______!!

Aa k jaan meri ab bhi simat jati hai
Garm baho’n mein koi roh pighal jati hai____!!

Aa jana’n ke ab jism ka rua’n rua’n
Tery nargasi lams ko tarasta hai___!!

Narm baho’n ki hiddat ko maira badan
Sard raton mein phir misl-e-sahama jalta hai___!!

Toot jatay hain bazoo us hawalay say
Halq-e-ja’n mein aaya wo taira paikr-e-gull__!!

Ja’n se roh talak aa gie taseer-e-damak
Us hiddat ko mairee rag-o-pe machalti hai___!!

Rok le khama ke sagar baat badhti hai
Sard mausum ki ab jub rut badalti hai____!!

Tairee qurbat ko mere jaan youn machalti hai
Jaisay parawanay ko shama se koi door kerday__!!
Jaisay machlee ko pani se koi juda kerday______!!

Abhi hijr ka qayaam hai aur December aan pohancha hai

Abhi hijr ka qayaam hai aur December aan pohancha hai
Ye khabr shahar mein aam hai December aan pahuncha hai_____!!

Aangan mein utar aayi hai manoos si khushboo
Yadon ka azdahaam hai December aan pahuncha hai__________!!

Khamoshiyon ka raaj hai khizaan taak mein hai
Udasi bhi bahot aam hai December aan pahuncha hai_________!!

Tere aanay ki ummid bhi ho chuki maadoom
Naye saal ka ahtamaam hai December aan pahuncha hai_______!!

Khunak rut mein udasi bhi chaukhat pe khadi ahi
Jaday ki udaas shaam hai December aan pahuncha hai________!!

Tum aao tou mere mausamon ki bhi takmeel ho jaye
Nayi rut tou sar e baam hai December aan pahuncha hai_______!!

Lambi sarak or ye DECEMBER

Lambi sarak or ye DECEMBER

Gum sum shamain sunehri ratain or ye DECEMBER
Bheigay din madham suraj halkey badal or ye DECEMBER
Behti nadiya gaatey panchi urti dhund or ye DECEMBER
Cofee,bister teri Mohabat or ye DECEMBER
Tanha main tanha chand mera kamra or yeh DECEMBER
Meri ankhain, meri neend, tere khuwab or ye "DECEMBER_____!!
_______________________

December Ab K Aao To

December Ab K Aao To
Tum Us Shehar_E_Tamanna Ki Khabar Laanaa
Keh Jis Mein Jugnuon Ki Kehkashaan Jhilmilaati Hai
Jahan Titlee K Rangoon Say Fizaain Muskarati Hain
Wahan Charon Taraf Khushboo Wafa Ki Hai
Aur us ko jo bhi pooron say
Nazar Say Choo Gaya Pal Bhar
Mehak Utha___!!

December Ab K Aao To
Tum Us Shehar_E_Tamanna Ki Khabar Laanaa
Jahan Par Rait K Zarray Sitaray Hain
Gul_O_Bulbul, Mah_O_Anjum Wafa K Ista’aray Hain
Jahan Dil Woh Samandar Hai Jis K Kayi Kinaray Hain__!!

December Hum Say Na Poocho Hamaray Shehar Ki Baabat
Yahan Aankhon Mein Guzray Karwan Ki Gard Thehri Hai
Muhabbat Barf Jaisay Hai Yahan
Yahan Dil K Lahoo Mein
Apni Palkon Ko Dabo Kr Hum
Sunehray Khawb Buntay Hain
Phir Unhi Khawbon Mein Jeetay Hain
Unhi Khawbon Pay Martay Hain
Dareeda Rooh Ko Lafzon Say Seena Gou Nahee Mumkin
Magar Phir Bhi__!!
December Ab K Aaou To
Tum Us Shehar_E_Tamanna Ki Khabar Laanaa__!!
_______________________

Kayii Saal Guzrey Kayii Saal Beetey

Kayii Saal Guzrey

Kayii Saal Beetey

Shab-o-Roz Ki Gardishon Ka Tasalsul

Dil-o-Jaan Mein Saanson Ki Partein Ultatey Hue

Zalzalon Ki Tarah Haanpta Hay!

Cheekhtey Hue Khuwab

Aankhon Ki Nazuk Ragein Cheeltey Hain

Magar Main Har Ik Saal Ki Goud Mein

Jagti Subah Ko

Bey Karaan Chahton Se Atti Zindagi Ki Dua Dey Kar

Ab Tak Vohi Justaju Kar Raha Hoon

Safar Zindagi Hay

Safar Aagahi Hay

Safar Aabla Payii Ki Dastan Hay

Safar,Umer Bhar Ki Sulagti Hui Khuwahishon Ka Dhuwan Hay

Kayii Saal Guzrey

Kayii Saal Beetey

Musalsal Safar k Kham-o-Paich Mein

Saans Leti Hui Zindagi Thak Gayii Hay

k Jazbon Ki Geeli Zameenoo Mein

Boye Hue Roz-o-Shab Ki Har Ik Fasal Ab Pakk Gayii Hay

Guzarta Hua Saal b Aakhrii Hichkiyaan Ley Raha Hay

Mery Paish-o-Pass

Khauf, Dehshat, Ajal,Barood Ki Mouj

Aabadian Noch Kar Apney Jabrron Mein Jhakrri Hui Zindagi Ko

Darindoo Ki Surat

Nigalney Ki Mashqon Mein Masroof Tar Hain

Har Ik Rasta, Maut Ki Rahguzar Hay

Guzarta Hua Saal Jaisy b Guzra

Magar Saal k Aakhri Din

Nihayet Kathin Hain

Har Ik Simt Laashon k Anbaar

Zakhmi Janazon Ki Lambii Qitarein

Kahan Tak Koi Dekh Paye?

Hawaon Mein Barood Ki Baas

Khud Aman Ki Noha Khuwan Hay

Koi Chara Gar, Asr-e-Hazir Ka Koi Maseeha Kahan Hay?

Mery Milney Walon!

Naye Saal Ki Muskuratii Subah Gar Haath Aye

To Milna!!

k Jatay Hue Saal Ki Saaton Mein

Yeh Bujhta Hua Dil

Dharakta To Hay

Muskurata Nahi

December Mujhay Raas Aata Nahi_____!!

Koi jazba adhoora reh geya hai

Koi jazba adhoora reh geya hai
December aansu’on mein beh geya hai__!!

Yeh dil khamosh ho kar reh geya hai
Najane aaj woh kya keh geya hai__!!

Yeh aannkhain hain hamari kitni gehri
Samundar mein samundar beh geya hai__!!

Tumhare sath wabasta tha sab kuch
Siwaye yaad k kya reh geya hai__!!

Palat kar dekhne per hum ne jana
Dil-e-nadaan kya kya seh geya hai__!!

Bohat bheerr hai bazaron mein lekin
Tera Arshad akela reh geya hai.__!!
_____________________

December Ke Mahine Ka Wo Shayd 11wan Din Tha

December Ke Mahine Ka
Wo Shayd 11wan Din Tha

Kahin Guzrey Baras Mai Ne
Mohabbat Lafz Likha Tha

Kisi Kaghaz Ke Tukrey Par
Achanak Yaad Ayaa Hai

Kahin Guzrey Baras Mujh Ko
Kisi Se Baat Karni Thi

Usey Kehna Tha Jaan e Jaan
Mujhe Tum Se Mohabbat Hai

Magar Mai Keh Nahi Payaa
Wo Kaghaz Aaj Tk Liptaa Paraa

Hai Dhool Mei Lekin
Kisi Ko De Nahi Payaa

December Phir Ke Ayaa Hai
December Chalaa Bhi Jaaye Ga

Magar!
Dobaraa Chaah Kr Bhi Mai

“Mohabbat”
Kr Nahi Payaa__!!

Ye Sharab Shoq Hai Meri Aadat Nahi

Ye Sharab Shoq Hai Meri Aadat Nahi,
Ye Jazbat Jagati Hai Tab Hi Peeta Ho,
Aadhi Rat K Waqt Mein Pagal To Nahi,
Teri Yad Satati Hai Tabhi Peeta Hon,
Is Shahrab Mein Fazeelat To Koi Nahi,
Ye Fikar Mitati Hai Tabhi Peeta Hon,
Main Janta Hon Mujhe Kuch Nahi Milna Is se,
GHALIB
Ye Meri Umr Ghatati HaiTabi Peeta Hon.....................!

Mudat hoi hy Yaar ko mehman kiye hoe

Wo Aks-e-Mauja-e-Gul Tha, Chaman Chaman Mein Raha

Wo Aks-e-Mauja-e-Gul Tha, Chaman Chaman Mein Raha
Wo Rang Rang Mein Utraa, Kiran Kiran Mein Raha

Wo Naam Haasil-e-Fun Ho Ke Mere Fun Mein Raha
Ke Rooh Ban Ke Meri Soch Ke Badan Mein Raha

Sakoon-e-Dil Ke Lye Mein Kahan Kahan Na Gayi
Magar Ye Dil, Ke Sadaa Oski Anjuman Mein Raha

Wo Sheher Waalon Ke Aagay Kaheen Mohazzib Tha
Wo Ek Shakhs Jo Sheheron Se Door Ban Mein Raha

Charaagh Bujhtay Rahay Aur Khwaab Jaltay Rahay
Ajeeb Tarz Ka Mausam Mere Watan Mein Raha

Malal Hai Magar Itna Malal Thorhi Hai

Malal Hai Magar Itna Malal Thorhi Hai
Ye Aankh Rone Ki Shiddat Se Laal Thori Hai

Bus Apne Wastey Hi Fikar-Mand Hain Sab Log
Yahan Kisi Ko Kisi Ka Khayal Thorhi Hai

Paron Ko Kaat Dia Hai Urhan Se Pehle
Ye Khof-E-Hijr Hai, Shoq-E-Wisal Thori Hai

Maza To Jab Hai K Har Ke Bhi Hanstay Raho
Hamaisha Jeet Hi Jana Kamal Thorhi Hai??

Lagani Parhti Hai Dubki Ubharney Se Pehle
Gharoob Honey Ka Matlab Zawal Thorhi Hai
 

Farqat Mein Waslat Barpa Hai, ALLAH Hoo K Bare Mein.

Farqat Mein Waslat Barpa Hai,

ALLAH Hoo K Bare Mein.

Aashob-E-Wahdat Barpa Hai,

ALLAH Hoo K Bare Mein.

Rooh-E-Kul Se Sab Roohon Par Wasal Ki Hasrat Tari Hai.

Ek Sar-E-Hikmat Barpa Hai,

ALLAH Hoo K Bare Mein.

Be Ahwali Ki Halat Hai Shayad Ya Shayad K Nahi.

Pur Ahwaliat Barpa Hai,

ALLAH Hoo K Bare Mein.

Mukhtari K Lab Selvane Jabar Ajab Tar Thera Hai.

Hijan-E-Ghairat Barpa Hai,

ALLAH Hoo K Bare Mein.

Baba Alif Irshaad Kanaan Hain Pesh-E-Aadam K Bare Mein.

Mani Hain Lafzon Se Barhum Qehar Khamoshi-E-Aalam Hai.

Aik Ajab Hajat Barpa Hai,

ALLAH Hoo K Bare Mein.

Mojodi Se Inkari Hai Apni Zad Mein Naaz-E-Wajod.

Halat Si Halat Barba Hai,

ALLAH Hoo K Bare Mein......!